Khlad sa 6 ngut, iabit thymmai iaka jingpang COVID-19 388 ngut

Syllad | The Rising MeghalayaJuly 18, 2021

Ki don 6 ngut kiba iap naka jingpang khlam COVID-19 bad 388 ngut kiba iabit thymmai iaka jingpang khlam haka Sngi U Blei.

Kine kiba khlad sa 6 ngut ki dei na East Khasi Hills: 04, Ri Bhoi bad South West Khasi Hills mar iwei. Da kane jingiap sa 6 ngut ka jingiap khlam kala kynjoh sha ka 945 ngut ha jylla.

Katkum ka jingpyntip ka Tnad ka Koit ka Khiah, ki briew kiba la ïabit thymmai ïa kane ka jingpangkhlam ki don 388 ngut bad kiba dang shitom ne ki active case ki don 3979 ngut hapoh ka Jylla.

Kine kiba iabit thymmai iaka jingpang khlam COVID-19 ki kynthup na EGH: 11, EJH: 03, EKH: 105, NGH: 15, RBD: 55, SGH: 09, SWGH: 10, SWKH: 40, WGH: 99, WJH: 25 bad WKH: 16.

Ki nongpang kiba la ioh pat iaka jingkoit ki don 483 ngut. Kine ki kynthup na EGH: 23, EJH: 05, EKH: 110, NGH: 19, RBD: 98, SGH: 15, SWGH: 13, SWKH: 09, WGH: 79, WJH: 44 bad WKH: 68.

Ka jingdon jong ki briew bala ïabit ïa kane ka jingpang khlam ha Jylla kalong 57388 ngut bad napdeng kine 52464 ngut kila ïoh ïa ka jingkoit bad 945 ngut kiba ïap nalor ki briew ba dang shitom.