Khlad noh u Ma Embot Pyrbot

Syllad | The Rising MeghalayaNovember 26, 2020

Kiba haiing hasem jong u Ma Embot Pyrbot u khun jong u (L) Lakhon Shullai bad ka (L) Lawbot Pyrbot ula khlad noh haka 25 tarik Naieiwng haka por 8:30 PM ha iing sah jong u ha Panaliar, Jowai hadien ka jingshitom kaba la bat ia u khamslem.

U Ma Embot u dei u Muktiar (Advocate) ha Jowai uba long ruh u Legal Adviser ka Jowai Bar Association, u la bat ruh kum u President ka Seiñkur Iawchibadi, u Vice President ka Seiñ Raij Jowai, U Treasurer ka Seng Khihlang bad ula don bynta ha kiba bun ki kam ha kaba iadei ba ka miat ka bha ka imlang ka sahlang.

U Ma Embot ula iehnoh shadien iaka kurim ka Kong Baily Passah, bad lain gut ki khun Ka Dr. Tudiahmai Passah, Ka Arwaka Passah bad u Sajeki Passah.

Ia ka metiap u Ma Embot Pyrbot la pynthiah ha Khliehaitnar, Loompyrdi Iongpiah Jowai bad iaka lehniam ba khatduh yn pyndep haka 27 tarik haka por 10:30 Am ha Khnap Thang-bru, Khimmusniang, Jowai.