Khlad iwei i heprit ba saw snem na ka jingjia pluh ding ha Sahsniang B

Syllad | The Rising MeghalayaMarch 18, 2025

I wei i heprit ba dang saw snem ka rta kala duh ei iaka jingim, katba ka hymmen jong ka kala lait im hadien ba ka ding kaba la klang jur kala bam duh iaka iing jong ki haka shnong Sahsniang B, West Jaintia Hills District.

Kane ka jingjia kala jia haka miet 17 tarik ka por kumba 8:00 mynmiet.

Ha ka por ba jia kane ka jingjia pluh ding kine ki khynnah ki don tang ar ngut ha iing. I ne i hep rit kaba la khlad ka dei ka Elisha Iakai, katba ka hymmen jong ka, ka Glorify Iakai kala laitim na kane ka jingjia. Kine ki hep rit ki dei ki khun jong ka ka Kong Itaima Iakai bad Mewos Shadap na ka shnong Sahsniang-B.

Haba ïakren bad Ma Founder Syngkon dkhot shnong, ula iathuh ba kane ka jingjia ka la jia haka por kumba duna 8.00 baje mynmiet katba ka kmie ka dang don ha lynti naba leit iew

Ula iathuh ba ha ka por ba jia kane ka jingjia kine ki khynnah kila iohthiah, katba ka hymmen ka Glorify Iakai 11 snem kala iohsngew iaka jingmeh ding bad ka la pyrshang katba lah ban kyrsiew iaka para, bad ban rah iaka para imat kam sngewlah shuh kumta kala mih shabar iing bad pyrta jingiarap na ki marjan iing.

Ula iathuh ka daw la lah ban dei na ka jingmeh ding ha dpei.

Ki pulit pynlip ding bad ki pulit Raliang ruh kila poi ha katei ka jaka, hynrei ka ding kala dep bam shngiam ïa katei ka iing bad ki jingdon jingem baroh.