Khlad aksident iwei ha Thlumuvi

Syllad | The Rising MeghalayaFebruary 24, 2023

Kawei ka briew kala duh ei iaka jingim hadien ka jingjia aksident kaba la jia ha Thlumuvi hynnin ka miet sngi Palei.

Ka khubor kaba iohlum ka iathuh ba kane ka jingjia kala jia haka por kumba 10 pm hadien ka jingiatakhuh hapdeng ka trok bad kawei ka kali rit hyundai I20 ha Thlumuvi, ka jaka kaba don ka khana ban leit sha Amlarem, West Jaintia Hills District.

Kane ka briew kaba la khlad ka dei kaba shong ha katei ka kali hyundai kaba don u number ML05 T 2880. La iathuh ba kala mynsaw jur bad kala khlad noh ha hospital. U nongniah kane ka kali ruh ula mynsaw.

Ki paidbah kiba iohi ia kane ka jingjia kila iohtam ia kawei ka aadhaar card bad ki suba ba kadei kata ka briew, dei hadien la pynthikna ba ka dei kawei pat ka briiew kaba naka shnong Skentalang, ka shnong kaba don hajan ka Thlumuvi.