Khlad 2 ngut haka aksident kali ha Ummulong

Syllad | The Rising MeghalayaJanuary 16, 2022

Ar ngut ki briew kila duh ei iaka jingim jong ki haka jingjia aksident kali kaba la jia ha surok bah Shillong Jowai haka shnong Ummulong haka Sngi U Blei.

Kane ka jingjia aksident kala jia haka por kumba 4:30 baje eiei ha kaba kawei ka trok kaba don u nomber NL 01AD 4625 kala rat iaki ar tylli ki kali, kawei ka taxi kamai (maruti car) bad kawei pat ka maruti alto. Baroh ar tylli kine ki kali kila julor phom.

Ki briew kiba shong haka kali kamai (taksi) ML 04 B 0242 kiba don 6 ngut kynthup ia u nongniah kila mynsaw jur. U nongniah ka taksi kamai uba la tip kyrteng kum u Arki Bhoi, ka Kong Janailin Dkhar kiba na Chilliangraij kila khlad na kane ka jingjia aksident namar ka jingmynsaw jur.

U nongniah ka trok hadien kane ka jingjia aksident ula phet krad na katei ka jaka.

Ki paidbah ba iohi ia kane ka jingjia kynthup iaki pulit mar mar kila ai jingiarap bad pynkit shaki jaka sumar. Kawei ka longkmie kaba la mynsaw jur na kane ka jingjia la pynkit noh ia ka sha ki jaka sumar sha sor Shillong. Kiwei pat kiba mynsaw ki don ha Jowai Civil Hospital Ialong bad Dr Norman Tunnel Hospital.