Khang ka HITO iaka iew die masi ha Mookyndur

Syllad | The Rising MeghalayaAugust 12, 2023

Ka Hynniewtrep Integrated Territorial Organisation (HITO), West Jaintia Hills District haka sngi Saitjain kala leit khang hi dalade iaka iew die masi ha Mookyndur.

Ka HITO kala leit khang ia kane ka iew haka jingialam chief organising secretary HITO, Thadlaskein Area Solmon Rymbai.

Kumban shu pynkynmaw haka 8 tarik une u bnai ka HITO kala ai dorkhat ha DC, West Jaintia Hills ban kyntu ban khang khyrdep shisyndon ia ka jingmih jong ka iew masi beain ha ka shnong Mookyndur.

Ka HITO kala ong ba ka jingmih kane ka iew kala pynkhein ruh ia ki kyndon 47 haduh 56 jong ka Transport of Animals Rules 1978, bad kumta dei ban shim ia ka jingpynshitom katkum ka ain.