Khang ka DM ia ki kali kit palat pud ban iaid na surok Mawmaram-Nongthliew

Syllad | The Rising MeghalayaApril 22, 2025

Ka District Magistrate ka East Khasi Hills District ka la pynjari da ka kyndon 163 jong ka Bharatiya Nagarik Suraksha Sanhita (BNSS) kaba khang pyrshah ia ki kali kiba kit palat ia ka 9 metric ton ba kin iaid lyngba ka surok Mawmaram-Nongthliew-Mawmih-Mawlyndep kiba hap hapoh East Khasi Hills.

Kane ka jingpynjari kyndon ka la wan long hadien ba la ioh jingtip ba ka jingdon jong ki kali kiba kit palat pud kiba iaid lyngba kane ka surok kaba lam sha ka jingpynjulor ia ki bynta jong ka surok bad kaba buh jingma ruh ia ki nongshong shnong, ia ki nongleit nongwan namar ka jingkhapngiah jong ka surok.

La maham tyngeh ba kino kino kiba pynkhein ia kane ka hukum kin ngat ha ka jingshah pynshitom hapoh ki kyndon 223 jong ka BNS.

Kane ka hukum kan treikam noh mardor tad haduh ban da pynbna da kumwei pat.