Khang iaid kali heh sha Mawphlang, Sohra namar ka Monolith Festival bad Jingiaseng Synod
U Superintendent of Police ka East Khasi Hills, da kane u pyntip ba namar ka jingpynlong ia ka “Monolith Festival 2024” ha Mawphlang naduh ka 7 haduh ka 9 tarik mynta u bnai ha Mawphlang bad kumjuh ka Jingiaseng ka KJP Synod Sepngi ka ban long ha ka 10 tarik Lber 2024 ha Laitryngew, Sohra, EKHD, kumta la khang pyrshah ia ki kali heh kiba pynkit mar kum ki trok bad kiwei pat ba kin iaid lyngba sha ka thain Mawphlang bad Sohra na ka bynta lai sngi kynthih, kata ha ka 8, 9 bad 10 tarik Lber 2024 naduh ka por 6 baje mynstep haduh 11 baje mynmiet.
La pynmih ia kane ka hukum namar la khmih lynti ba ki don shibun bah ki kali na kiwei pat ki district ki ban leit sha katei ka tamasa kumjuh sha katei ka jingiaseng paidbah kaba lah ban wanrah ia ka jingkhapngiah jong ki kali kiba iaid lyngba na kiba bun ki jaka jong ka nongbah bad ha ki thain Upper Shillong.
Watla katta kane ka hukum kam treikam na ka bynta kito ki kali kiba don ia ki kam ki bym lah ban kiar.
Facebook
Instagram
Youtube
Twitter
Leave a Reply