Khang iaid kali heh ka DM na surok Mawmaram sha Mawlyndep

Syllad | The Rising MeghalayaOctober 23, 2024

Ka District Magistrate ka East Khasi Hills, ka Kong RM Kurbah haka 23 tarik u Risaw ka la pynjari da ka kyndon Section 163 jong ka BNSS kaba khang pyrshah ia ka jingiaid jong ki kali kit mar khia ba kin iaid lyngba ka surok Mawmaram-Nongthliew-Mawmih-Mawlyndep.

Katkum kane ka hukum la ong ba ka jingiaid jong ki kali heh kiba kit khia palat ia ka 9-ton ka la wanrah ka jingpynjulor ia ki bynta jong kane ka surok bad kaba buh jingma bad jingsyier ia ki nongshong shnong bad ki nongleit nongwan namar ka jingkhim palat ka surok.

Nalor kata ka DM ka la maham ruh ba kino kino kiba pynkhein ia kane ka hukum kin ngat ha ka jingshah pynshitom hapoh ki kyndon Section 188 jong ka BNSS.

Namar ka jinglong jingman kaba donkam kyrkieh, kumta ruh kane ka hukum ka la sdang ban treikam mardor tad haduh ban da pynbna da kumwei pat.