Kham pjah ka Election MDC ha Rilum Jaiñtia

Syllad | The Rising MeghalayaFebruary 8, 2019

JOWAI: Ka Elekshon MDC 2019 sha ka ïing dorbar thawaiñ jong ka Jaiñtia Hills Autonomous District Council (JHADC) ka long kaba kham pjah haba nujor bad ki elekshon MDC kiba la dep kum ha u snem 2014 bad ha shuwa kine ki snem ha kaba ka iew Iawmusiang kala dap smam da ki paidbah nongkyrshan jong ki kyrtong bapher bapher.

Mynshuwa ha ki elekhson ki kyrtong ki ia rah paidbah ban ia pyntaw ïaka jingbun paid da ki sur jingrwai u kyrtong bad ba ki paidbah ki ia rah ki  lama ba bun rong ban shad kynhoi risa.

Ki don katto katne ki kyrtong kiba ïalam paidbah nongkyrshan mynta u snem, hynrei ban nujor ba ki snem kiba la leit ka duna bha khamtam ki kyrtong na sor Jowai bad ki khap sor.

Mynta ka kynti naduh ka sngi thep kyrteng ki duna bha ki paidbah ba wan synran kyrtong, hynrei ki don tang katto katne ki kyrtong ba ialam paid bad haba nujor bad ki snem bala leit ka iapher bak la bak.

Kane ka jingpjah jong ka elekshon kala mih ka jingkylli na u ba bun ba balang? Hato kadei ka jingktah ka kamai kajih u nongshong shnong ne ba ki kyrtong kila sdang ban pynduna ïaka jingpynlut.

Ki katto katne kyrtong kila jubab ba kam myntoi shuh kata ka jingrah paidbah ka shu ktah ei ïaka pla tyngka bad kawei ruh ba u paidbah mynta ula shai bad kim mih rong ne paidbah, hynrei iakynduh beit mar khmat ïa u kyrtong ba ki kyrshan.