Kem ki Pulit ïa uba suba pyniap ïala u kynum

Syllad | The Rising MeghalayaMarch 3, 2019

JOWAI: Ki Pulit jong ka Jowai Police Station, West Jaiñtia Hills Disrtict kila ïoh ban kem ïa u suba donkti ban pynïap ïala u kynum (L) Karnet Pajuh, uba shong ba sah ha Dongmihsngi, Jowai kaba la jia ha u Nohprah 28, 2018.

Une u suba u dei u Wanshuh Dkhar ba shong ba sah ha Salaroh Jowai bad udei u kynum trai jong u (L) Karnet bad mynta u don ha phatok bad ka jingtian bishar kala iaid shakhmat.

Kane ka jingjia shah pyniap kala jia ha Dongmihsngi, Jowai ha u bnai Nohprah 28, 2018 ha kaba u (L) Karnet Pajuh ula khlad haka jingthiah hapoh ka ïing kaba u sah bad kam don kano kano ka jingsuba sniew ha kaba nyngkong.

Hynrei haba la rah ïaka metiap sha shnong jong u Tongseng, Elaka Nongkhlieh hadien ba kila pynsum pynsleh la lap ïaki dak ki shin ne dak mong naka bynta ka ryngdang kaba pynsuba sniew jur ïa kiba haïing ba ula shah pynïap u (L) Karnet Pajuh. Namar ka jingsuba sniew mar mar kila pyntip sha ki Pulit Jowai bad la rah biang ïaka metiap ban leh post mortem Jowai Civil Hospital, Ialong bad mudui ïaka jingujor ejahar.

Hadien bala ioh ïaka Post Mortem report la pynthikna ba u (L) karnet ula shah pyniap kaba ksih na ryngdang (Asphyxia).

Ki Pulit hapoh ka jingkhmih u Additional Superintendent of Police West Jaiñtia Hills District Bah P Syiem bad u Investigation Officer SI B Banai kila lap ksai ïa u suba donkti bad une u dei u kynum trai jong u Karnet; u Wanshuh Dkhar ba shong ba sah ha Salaroh, Jowai. Ki Pulit ki iathuh ba jingtohkit ka dang iaid shakhmat bad ki dang don kiwei ki suba donkti ban ïasylla ha kane ka jingpyniap ïa u (L) Karnet.

Na kaliang kiba ïing hadien ka jingïohkem ki Pulit ïa u Wahshuh kila pynpaw ka jingsngewnguh ïaki bor Pulit jong ka West Jaiñtia Hills bad ïa u nongïalam ka Jaiñtia Student’s Union (JSU) kiba shimkhia ban ïarap naduh ba jia kane ka kam.