Kem ki BSF ia 2 ngut ki nong Bangladesh na ki bynta khappud ka WGH

Syllad | The Rising MeghalayaNovember 28, 2024

Ki shipai Border Security Force (BSF) ka Meghalaya na ka 22nd Battalion ha ryngkat ka jingiatreilang bad ki bor pulit ha ka 26 tarik Naiwieng ki la ioh ban kem noh ia arngut ki nong Bangladesh na ki bynta khappud ka West Garo Hills District.

Kine ki arngut ki briew kiba la shah kem noh ki dei kiba la tip kyrteng kum u Taharul Islam 23 snem uba dei na  Chapainawabganj District bad u Md Sayed ba 30 snem rta uba dei na Rajshahi District ka Bangladesh.

Ha ka jingtohkit, baroh kine ki arngut ki la phla ba ki la wan rung sha India lyngba ki jaka khappud na Murshidabad, West Bengal naduh kine ki hynriew bnai ba ladep, bad ki la phla ruh ba ki ju leit ju wan sha Chennai na ka bynta ban leit trei bylla.

Hadien na ki BSF ki la ujor da ka ejahar bad ia kine ki arngut la aiti noh sha ki bor pulit ka Dalu Police Station ban leh shuh shuh ia kaba donkam katkum ka ain.