Kala dei eh ka por ban siew online iaka bai bording ha East Jaintia Hills ong ka JYF bad ka SBYWA
Ki ar tylli ki seigbhalang, Jaintia Youth Federation, East Jaintia District Unit (JYF-EJHDU ) bad ka Southern Border Youth Welfare Association (SBYWA), East Jaintia Hills District ki la dawa na ka tnad sam bording kaba don ha Khliehriat Distribution Division na ka bynta ban leh da ka online ban siew bai bording hapoh ka East Jaintia Hills District.
Kine ki ar seng kila pynpaw ba katkum ka jinglap jong ki ha Khliehriat Division kam shem la paw kyrteng ha ka website Megha Power na ka bynta ban siew bai bording lyngba ka ‘online’ ia ki shnong ba shaniah bording na kane kane ka division, haba ha kine ki sngi ki paidbah nongshong shnong kiba bun hi ki la pyndonkam beit da ki smartphone ban siew ban tda.
Kine ki ar seng kila pynpaw ba ka por kala dei eh ba ka sorkar ban leh da ka ‘online’ kumba long ha Jowai, Shillong, Nongpoh. Ha ka juh ka por kila ba ym dei ban pyndam pat ia ka rukom siew kaba mynta.
Lada ka tnad pynmih bording ka Jylla ka pyntreikam iaka ‘online system’ kan pynsuk shibun eh ia ka sorkar bad kumjuh ia ki paidbah ban siew online, kaba dei shimbynta ban iakhun pyrshah iaka khlam COVID-19 lane kan pynduna ruh ia ka jingwan tuid ki paidbah sha ka ophis. Lada kane ka ophis kan pynshlur iaka jingsiew online kan lait ruh ban ktah ia ka bai leit bai wan jong ki paidbah ka District baroh kawei, ong u kyrwoh na kine ki ar seng lyngba u J Pala, President JYF-EJHDU.
La kyntu ia ka sorkar lyngba ka tnad sam bording na Moowakhu, Khliehriat Distribution Division ban iakren bad ki heh jong ka Meghalaya Energy Corporation Limited bad ka Sorkar halor kane ka mat ban pynsuk ia u paidbah.
Facebook
Instagram
Youtube
Twitter
Leave a Reply