Ka soskular ïa pynbeit pud ka Assam Meghalaya

O R ShallamApril 1, 2022

Ka jingïasoi soskular halor u pud u sam ka jylla Meghalaya bad ka Jylla Assam ha kine ki sngi, ha kawei ka liang la dei ban ai khublei ïa baroh kiba ïa don bynta ha kane ka kam kaba la ktah ïa ki nongshong shnong baroh arliang.

Hynrei ka jingkylli kalong hato kane ka jingïapynbeit ka biang katkum u pud u sam ka Jylla ka jong ngi, hato kiba shah ktah baroh shi katta ki hun bad ki riew pawkhmat ka Jylla kiba don sha kine ki thaiñ ki pdiang ïaka?

50 snem ka Jylla ka jong ngi ka ïaid khlem don u pud u sam uba biang. Hato kane ka jingïapynbeit ki nongïalam baroh 2 tylli ki Jylla ki sngew biang? kan long kumno lada kan ktah kylla ïa ki khun ka Meghalaya. Katkum ka jingpeit pyrman i kumba ka Jylla ka jong ngi ka la shah ktah ha kane ka jingïapynbeit. Ko ki nongïalam peit bha ïoh phi die tad dor ïaka Jylla ka jong ngi, ïoh phi ïa leh tang dep ne ban ïoh issue ha ka Election ka ban wan, peit bha ïoh kan ktah ïa phi baroh kiba don kti ha kane ka kam.

Pule | Mynjur pynbeit pud ka Assam Meghalaya ha ki 6 jaka

Mynta ngan buh u dak jingkylli ïa ki Pressure Group kiba haman ki por ki pyrshah ïa kane katai ki Development, hato phi hun ïa kane ka jingleh ka MDA Government?. Ki paitbah ka Ri bad ka Jaitbynriew ki kwah tip ïa ka jinglap bad ka nongrim ba phi ïeng.

Wat ïa leh kamkai ne ïa leh tangdep ïa kane ka kam, ïeng ha ka nongrim kaba skhem ban ïoh ïa ka jingshaniah bad ka jingkyrshan na ki nongshong shnong ka Jylla ba don burom jong ngi. Phim dei ban long YES MEN.

Ka jingkhot jingpyrta ïa phi ki samla ka Ri katba dang don por leh noh mynta lada phim ïa hap jingmut ïa kane ka Agreement.