Ka shnong kaba jngai tang 4 KM na Amlarem 7-8 snem khlem bording

Syllad | The Rising MeghalayaDecember 10, 2021

Ka shnong Pamtadong kaba hap ha Amlarem Sub-Division, West Jaintia Hills District kaba jngai tang 3 ne 4 kilometre na Amlarem palat 7-8 snem ka hap ban shong haka jingdum tang bym lah ka tnad MeECL ban pynioh ia u transformer ban sam bording.

Ka Federation of Khasi Jaintia & Garo People (FKJGP) War Circle hadien bala ioh iaka jingujor na ki nongshong shnong kala leit ïakynduh ïa u Executive Engineer (MePDCL) Jowai Distribution District, West Jaintia Hills District haka sngi Palei ban wad jingtip bad dawa na ka MeECL ban pynioh bording ha kane ka shnong.

“Ka jingduh bording kane ka shnong mynta la 7-8 snem kadei tang naka daw ba duh u transformer,” la ong u Bahshlur Mukhim president FKJGP War Jaintia.

“Ngi la dawa na u Engineer ban shimkhia ban wad ki lad ki lynti ban pynioh bording, khnang ba ki paidbah nong thang bording kin myntoi,” la ong une u nongialam.