Ka scholarship iaki samla pule ka Jylla: Aplai noh mynta

Syllad | The Rising MeghalayaOctober 18, 2023

U Deputy Commissioner ka East Jaintia Hills District hynne ka sngi Balang u pyntip ba la khot aplikeshon ban aplai ia ka scholorship na ka bynta ki Fresh bad Renewal, kata ia ki samla pule kiba dei ki nongshong shnong ba pura ka Meghalaya kiba pule hapoh ka jylla bad shabar na ka bynta u snem 2023-24, lyngba ka North Eastern Council Merit Scholarship na ka bynta ki samla pule kiba dang pule ha ki  Diploma, Degree, Post-Graduate lane M.Phil/Ph. D course na kino kino ki institute ba la rejistar bad ba la ithuh da ka sorkar.

Ki samla pule ki dei ban pynshishi lyngba ki PRC ba la ioh na ki Deputy Commissioner nalor kiwei pat ki kot ki sla ba donkam kuatkum ka jingkdew ba la pynmih, bad la bthah ruh ba kin leit lyngba ki jingbthah kiba katkum kane ka skhim hashwa ba kin pyndap ia ki aplikeshon lyngba ka online.   

Na ka liang ki Fresh ki dei ban phah tang lyngba ka online mode lyngba ka website www.scholarships.gov.in katba ki renewal application form na ka bynta ki Merit Scholarship ki lah ban download da kaba leit lyngba ka https://megeducation.gov.in/dhte/pages/scholarship_forms.html   

Nalor kata la khot aplikeshon ruh ia ki samla pule kiba dei ki nongshong shnong ba pura ka Meghalaya na ka bynta u snem 2023-24, kata  na ka bynta ka Central Sector Scheme of Scholarship na ka bynta ki samla pule College bad University  (fresh bad renewal) ia kaba yn ai da ka Ministry of Education, Department of Higher Education, ka Sorkar India.            

Ia ki aplikishon form na ka bynta ki samla pule dei ban phah lyngba ka online lyngba ka National Scholarship Portal (NSP), www.scholarships.gov.in     

Ka tarik ba khatduh ban phah ia ki aplikeshon na ka bynta baroh kitei ki artylli ki scholarship ba la kdew kan long ha ka 31tarik u Nohprah 2023.Ia ki jingtip ba kham bniah bad halor ka jingleh ban aplai nalor kiwei pat ki samla ki lah ban leit lyngba ka website www.scholarships.gov.in