Ka Raliang ka 1st Digital Village ha West Jaiñtia Hills

Syllad | The Rising MeghalayaMarch 26, 2019

JOWAI:  Ka shnong Raliang, West Jaintia Hills District, ka la shah jied ha ka sorkar India kum ka Digital Village ba nyngkong eh ha West Jaiñtia Hills District. Ha Meghalaya ki don 11 tylli ki Digital Village bad ka Raliang kadei kaba nyngkong eh ha West Jaiñtia.

Khyndiat shaphang ka Digital Village, ka mut ka Shnong ba ban treikam beit da ki Computer ha kiba bun ki liang ne kata ka e-Governance, kaba ki paid nongshongshnong kin pyndonkam beit da ka internet ne online haba kiba bun ki bynta.

Kane ka jingshah jied ka Raliang kum ka Digital Village, ka sorkar kan kyrshan ïa kane ka Shnong da kaba ka free training halor ka jinghikai Computer nangta pyndonkam WI-FI, nangta ki jingthep form online, ka jingtreikam ki Bank, ki Solar Light LED, ka jinghikai skul lyngba ki digital technology bad kiwei kiwei de ki kam lyngba ki Common Service Centre.

Na ka liang ka sorkar pdeng ka la buh thong ba ha kine ki shi snem ban wan lyngba ka Ministry of Electronic and Information Technology kan jied shi lak tylli ki shnong ban pynkylla kum kita ki Digital Village ha ri India.

Ïa ka Raliang la jied da ka jingtrei shitom U Ma Pyndap Lamare, VLE jong ka Digital Seva E- Governance CSC Raliang.

Kane ka jingshah jied ka Shnong, ka la pynkmen shibun ïa ki paidbah jong ka Shnong , la pynlong ïa ka jingïalang kum ka dak ban plie ïa kane ka Digital Village ha kane ka jingialang la ai jingkren da I  u Ma S.Sanki Lamare Waheh Shnong Raliang uba dei ruh u Chairman.

Kiwei kiwei kiba kren ki kynthup iaka  N Shylla iba dei I Branch Manager jong ka SBI (Raliang Branch), Joshwa Lyngdoh  State Head jong ka E- Governance CSC ,I kong Ameecia Pariat District Manager E- Governance CSC. La ïadonlang ruh ka kong Morngait Lyngdoh VLO jong ka SHG,Block, U Ma Chawas Lyngdoh Dolloi Elaka Raliang