Ka lighting ha Moolamylliang ka iaryngkat bad ki lighting ba leh Paris & New York ong u bah FR Kharkongor

Syllad | The Rising MeghalayaDecember 18, 2022

U Bah FR Kharkongor Chief Electoral Officer ka sorkar Meghalaya ula ong ba ka jingpynthaba iaki light khrik khrik ne ki light Christmas Extravaganza ha ka shnong Moolymylliang, East Jaintia Hills District ka lah ban iaryngkat dor bad ki lighting ba leh ha Paris bad Newyork.

Ula ong ba ka jingpynthaba iaki light khrik khrik ha Moolamylliang ka dei ka nuksa kaba kiwei pat ki shnong ha Jylla ki dei ban bud.

U Bah Kharkongor kum u kongsan ula pynshai iaki light haka sngi Saitjain haka jingiadonlang u Bah T Lyngwa , IAS , Secretary ka tnad C&RD, Geoffrey Nongrum, state SVEEP Nodal Officer Election Meghalaya, Jonathan Shylla Additional Deputy Commissioner East Jaintia Hills, IZ Wreang , GM DCIC Nongstoin , State Master Trainer Election nalor kiwei kiwei.

Ha kane ka jingpynshai ia kine ki light u Eladmitre Dkhar ula wan rwai kyrpang.

Ka jingpynthaba iaki light khrik khrik kan long man ka janmiet naduh ka por 5baje janmiet haduh 12baje mynmiet. Ia kine ki lights yn pynneh haduh ka 3/01/2023.

Ka bor shnong Moolamylliang kala pyntip ba haka 18/12/2022 Sngi U Blei kan don ka bonfire bad giant screen ban peit iaka final World Cup. Ha janmiet 22 bad 23 December 2022 kan don ka Concert, group dance bad ki jingrwai Christmas DJ.

Ka Christmas Carol pynbud da ka jingtem jingput da ka Orchestra Band na ka shnong Sakhain haka 24 tarik une u bnai.

Kiba kwah sahmiet ki lah ban iaki tent ban sah miet ha Moolamylliang, bad ia ki hotel ha Khliehriat. Phone ha une u number 7742307038 ban pynbeit iaki jaka sah.

Ka bai rung kalong T. 50/- marwei, iaki khunlung rit ym donkam siew.

Ki jaka bam yn pynkhreh da ka Tista Restaurant, Khliehriat. Ia ki jingtip ba kham bniah phone-9862889655/8131061998.