Ka lehniam Phor ha Satpator haka 20 bad 21 tarik Kyllalyngkot

Syllad | The Rising MeghalayaJanuary 15, 2024

Kumba ju long khieh u snem, ha une u snem ruh ka Raid Satpator kan pyndep lehniam Phor kaba dei ka lehniam ban ainguh aidem ia u Blei Trai Kynrad iaki jingkyrkhu ba ula thep ha baroh shisnem lynter.

Kane ka lehniam kan sdang haki arsngi lynter kata haka 20 bad 21 tarik Kyllalyngkot ha shnong Satpator.

Haka sngi nyngkong jong ka lehniam kan don ka jingpyrta shnong da ki riew rangbah khnang ban tip ki khun ki hajar ban pynkhreh pynkhrum bad haka sngi kaba bud ka jinglehniam kan sdang naduh ka por mynstep ha man ki longiing haka jinglam khmat u Kni ryngkat ki longkmie.

Haka por mynsngi kan don ka jingshad Phrok ha kaba ki shynrang khamtam ki samla kin iashim bynta ryngkat ki riam ki beit bad kane ka jingshad kan sdang na iing ka Kur Pohdweng hadien pat ha madan Niam Langdung bad pynkut ha madan Niam Ambir.

Katba haka por janmiet kan don ka Shad Kalang bad ha kane ka jingshad yn iashim bynta lang ruh da ki kynthei ryngkat ki riam tynrai.