Ka Jingsngewnguh na kiba haïing I (L) Mirbon Jungai

Syllad | The Rising MeghalayaMay 21, 2024

Ngi kum ka ïing ka sem jong I (L) Mirbon Jungai iba la leit noh sha U Trai ha ka 9th May, 2024, ngi pynpaw ka jingsngewnguh kaba khraw eh ïa U Blei U ba la don ryngkat bad ngi kum ka ïing ka sem ha ka ba kum kane ka por ba U Lyoh ba dum u wan ban kah ïa ngi.

Ka jingsngewnguh ka leit  ruh sha ka Dorbar Shnong Lumpariat, Seng Kynthei Lumpariat, Lumpariat Youth Wing, Dorbar Shnong Mawlong, Ka Balang Presbyterian Thadlaboh, Ka Jingïaseng dong MLMJC, Jingïaseng Kynthei War Sepngi District, Jingïaseng Kynthei KJP Assembly, Jingïaseng Kynthei Jowai Presbytery, Jingïaseng Kynthei Thadlaboh Presbyterian District, Ki Pastors, Ki Tymmenbasan bad Ki Rangbah Balang na ki Balang Bapher bad kumjuh ruh ïa ki Rangbah Shnong jong ki shnong bapher.

Ngi pynpaw ruh ïa ka jingsngewnguh ïa ki Doctor bad ki Nurse jong ka Dr. Norman Tunnel Hospital, Jowai, ïa ka Thomas Jones Synod College, Ka Kiang Nangbah Govt. College Ka Sohra Government College, Ka Seng War Jaintia, Ki para marjan marpa, ki kur ki jait, ki kha ki man, bad ïa baroh ki paralok kiba na jan na jngai ki ba la wan ban sngewlem bad ngi ha kine ki sngi.

Ka jingdon ryngkat, ka jingkyrshan, jingsngewlem bad jingïarap jong phi ïa ngi ha kum kane ka por jingngewsih ka pynshngain, pynsting ïa ngi bad khamtam ïa ki kam ki jam kiba ïadei bad kane ka jingjia. Ka jingsngewnguh ruh ïa ki jingduwai ki jong phi, jingïarap sbun mynsiem bad pynbit pynbiang ïa baroh ki jingdonkam.

To U Blei un nang ïai kyrkhu kyrdoh ïa phi baroh kiba la wan, bad phah khubor jingsngewlem. Nang kynmaw ïa ngi ha ki jingduwai ki jong phi.

Khublei Shibun
Na kiba ha ïing ha sem jong I (L) Mirbon Jungai.