Ka jingpynsngewthuh ban bam ïaki jingbam ba tei ïaka bor met

Syllad | The Rising MeghalayaMarch 13, 2019

JOWAI: Ban rakhe ïaka jingdap shisnem ka Poshan Abhiyan, ka prorkam ban kaba la mang kyrpang da ka sorkar kmie ban pynbiang bam ïaki khynnah bad longkmie; ka ophis jong ka District Programme Officer ICDS (Cell) Jaiñtia Hills Unit kala pynlong ïaka Poshan Mela ha ïew Iawpynsin Wahiajer haka sngi Balang.

Ka jingthmu jong kane ka mela kalong ban pyntip ïaka jingkongsan ban bam ïaki jingbam kiba tei ïaka met, kiba don vitamin ban ïoh ka jingkoit jingkhiah kaba pura bad ban pyntip ruh shaphang ka jingkongsan ka jinglehkhuid, ka jingpynbiang umbam um dih bad kiwei kiwei kiba dei na ka bynta ka jingheh jingsan bad ka jing khiah krad. 

Ka Kong R. Bareh CDPO, Thadlaskein ICDS kala ïathuh ba ïaka Poshan Pakhwada la rakhe ar taiew lynter ban pynsngewthuh iaki paidbah ki khynnah skul, ki longkmie halor ki jingbam kiba tei ïaka met ban lait ka jingduna bam kiba tei ïaka met.

Ka sorkar kala buh ka thong ba baroh ki nongshong shnong ka ri naduh ki khyllung khynnah bad ki longkmie  ki dei ban ïoh ka jingbam kiba biang ban tei ïaka bor met ban ïoh ïaka met kaba khoit kaba khiah.

Ha kane ka mela la ïadonlang ki Dokor ka Ummulong PHC, Counsellor RKSK, ki briew ka MHIS, Pradhan Mantri Matru Vandana Yojana (PMMVY) bad kiwei kiwei.

La batai pynshai halor ka jingdonkam ïaki longkmie ban kiba kha kiba pun ban ai buiñ bad ban bam ïaki jingbam ba tei ïaladei bad ki khun bad ban long tista ban phah sumar bad ai ïaki dawai ba ai ka sorkar ban lait na kino kno ki jingpang bad ban shimkabu ïaki lad jingiarap ba ai ka sorkar.

La pyni nam ruh ïaki mar bam kiba tei ïaki met bad la pynlong ruh ïaka jingmareh matarhon haka por mynstep.