Ka jingpynbna ka shnong Moolamylliang iaki nongwan jngoh kai

Syllad | The Rising MeghalayaDecember 28, 2021

Ka Dorbar Shnong Moolamylliang hadien ka jingwan tuid u paidbah ban sakhi iaki light kiba la pynriam hapoh ka shnong kala kyntu iaki paidbah ban wan shuwa ka 12 baje mynmiet manla ka sngi.

“Lada don ki paidbah kiba sah kut ha ki surok bad ki bym lah ban wan ha ka por kaba biang kin sngewbha ban pyntip ha kine ki number 9862889655/8131061998 ba ngin ioh ap,” la ong u waheh shnong Moolamylliang U Ma Apmon Pachiang.

Ula ong ruh ba ka jingwan tuid ki paitbah sha ka shnong Moolamylliang ka dang ïai bteng bad la sakhi iaka jingkmen ki khunlung khynnah, ki samla bad wat ki rangbah ia kane ka jingpynkhreh jong ka shnong bad kiba bun hi ki bynnud ban leit phai iing khamtam ki khunlung khynnah.

U Ma Pachiang ula ong ruh ba kino kino kiba kwah ban iohi iaka jingphyrnai ki light ki hap ban ap haduh ban da miet ne kem dum. Kino kino kiba don jingeh, kin sngewbha ban pyntip ha ki reception kiba don harud surok bad bad hajan ïingmane lane ban shu phone.