Ka jingkyntu da ka RBI ban phikir pyrshah iaki nongairam lynba ki kor Computer/mobile apps ba beaiñ

Syllad | The Rising MeghalayaJanuary 4, 2021

Lah don ki khubor ba ki riew paidbah/ briew batrei kam lajong ki lah ngat ha ki jingthok jong ki riew shim kabu lyngba ki kor komputor/ Mobile apps da kaba kular ban ioh ram da ka suk ba khlem da donkam kino kino kisla babiang. Lah ong ruh ba ka sut ba ki nongshim ram ki hap ban siew ka long kaba heh, hap ban siew sa kiwei kiwei de ki jing siew ki bym shongnia, ka rukom khein ia ka sut kam long kaba suba bad ka jingpyndonkam bakla ia ka jingiateh soskular ka bymkhuid, hynrei tang ban ioh shim kabu lyngba ki kor mobile.

Ka jingai ram kaba shaniah bad kaba suba phi lah ban ioh tang naki banks bad NBFCs kiba lah register bad ka RBI bad ki kynhun kiba lah pyniaid da ka sorkar jylla hapoh ki kyndon jong ka money lending acts. Kumta, la kyntu iaki paidbah ba nym ngat ne shah thok ha kum kine ki riew shim kabu bad kidei ruh ban da wad bniah la kidei kiba shisha ne em. Lah kyrpad iaki paidbah ruh ba kim dei ban ai ki personal details kum kikot KYC iano iano khlem da tip tikna la ki long ba shisha bad ba lah ban shaniah. Lada lap baki don ki briew ba shim kabu kumba lah batai halor, phi lah ban ujor sha ka ain lane thoh ka jing ujor sha ka website https://sachet.rbi.org.in

Ka RBI ka lah pyntip ruh ba kino kino ka ram lyngba kikor Komputor/ mobile apps kiba hap hapoh ka jing peit jong ki banks bad NBFCs kidei ban pynpaw ia ka kyrteng jong kita ki bank lane NBFCs shaki paidbah. Ka kyrteng bad address jong ki NBFCs kiba lah register bad ka RBI, phi lah ban ioh hangne https://www.rbi.org.in/Scripts/BS_NBFCList.aspx bad lada phi don kano kano ka jingujor pyrshah ia kine ki NBFCs, phi lah ban ujor ha https://cms.rbi.org.in.