Ka jingkhynra Trading Licence da kino kino ki kynhun ne ki briew kalong kaba beaiñ: JHADC

Syllad | The Rising MeghalayaNovember 26, 2019

JOWAI: Ka Executive Committee jong ka Jaiñtia Hills Autonomous District Council (JHADC), Jowai kala pynmih ïaka jingpynbna paidbah ba tang ki briew ne ki nongtrei jong ka JHADC kiba la aibor katkum ka Jaiñtia Hills Autonomous District (Trading by Non-Tribal) Regulation Act 2011 bad ka Jaiñtia Hills Autonomous District (Trading by Non-Tribal) Rules 2015 kiba lah ban leit khynra Trading Licence bad Non-Tribal Employees Service Licence ïa ki bar jylla ba wan kamai hapoh u pud u sam ka JHADC.

“Ka jingkhynra trading Licence bad Non-Tribal Employee’s Service Licence khlem da pyni ïaka identity card bala ai da ka ophis jong ka JHADC kalong kaba beaiñ”.

Ka JHADC kala pynmih ïa kane jingpynbna ka dei hadien ba ka sorkar Jylla kala bthah ïaki ki lai tylli ki Autonomous District Council (ADC) jong ka Jylla ba kim dei ban ailad ïa kino kino ki kynhun ba kin pynlong ïa ka jingkhynra Trading License hapoh ka Jylla.

La bthah ïa ki konsil ban pynmih ïaka jingpynbna bad ba ka jingkhynra ïaki kot ki sla jong ki bar jylla kadei ban long da ki nongtrei jong ki konsil ne ki enforcement wing.

Kane ka jingbthah ïaki ADCs kalong hadien ba u Myntri ka tnat DCA, ka Sorkar kala ïoh jingtip ba ka jingkhynra Trading Licence, Work Permit bad Labour License ka jia khah khah khamtam eh ha nongbah Shillong ha ki briew bad ki kynhun kiba ym dei ki njongtrei jong ki konsil.