Ka jingjop u Bah Ardent ka dei ka jingot kilo ia ki mar rep bad ka ai jait kpa: Dy CM

Syllad | The Rising MeghalayaApril 3, 2024

U National General Secretary ka Seng National People’s Party (NPP) uba dei ruh u Symbud Myntri Rangbah ka Jylla u Bah Sniawbhalang Dhar haka 2 tarik Iaiong, u la ong ba ki katto katne ki jingjop ba khraw ha ki jingtreikam jong u president ka Voice of the People Party (VPP) u Bah Ardent Miller Basaiawmoit ki long halor ka jingot kilo ia ki mar rep bad ka jingpynshlur ai jait kpa.

Haba kren ha ka jingialap ilekshon ha Ladthadlaboh, Jowai, West Jaintia Hills, u Dhar u la ong; “U Bah Ardent u la kam ba u la noh synniang shibun sha ka imlang ka sahlang, hooid ka jingong jong u ka long kaba shisha bad kawei na ki jingjop kaba khraw eh jong u kat haduh mynta hi ka dei ka jingpyntreikam ia ka jingot kilo ia ki mar rep kaba la ktah jur ia ki paid nongrep jong ka thain. Kawei pat ka jingjop ka dei halor ka jingpyrshang ban pyntroin ia ka dustur ai jait kmie da kaba pynshlur halor ka jingdonkam ban ai jait sha u kpa.”

Nalor kata u Dhar u la kynthoh pyrshah ruh ia ka seng VPP halor ka jingkynnoh bamsap pyrshah ia ka sorkar MDA. U la ong ruh ba u don ruh u pud ban kren ha ka kam sain hima sima.

Shuh shuh u la pynpaw ruh ia ka jingsngew skhem ba ka kyrtong jong ka seng NPP ka Kong Ampareen Lyngdoh kan ioh ia ka jingjop ha kane ka Lok Sabha ilekshon ka ban sa long shen da ka jingkyrshan jong ki paidbah ka Shillong Parliamentary constituency.