Ka jingiap ki 15 ngut ha Khloo Ryngksan ka dei ka jingpynbieij ka BJP & NPP: Congress

Syllad | The Rising MeghalayaMarch 30, 2019

JOWAI: U Ma Vincent H Pala, u kyrtong MP Lok Sabha ka Congress ula kynnoh ba ka jingjia shah tep im ki 15 ngut ki nongbylla tih dewiong ha Khloo Ryngksan kadei na ka jingkular pynbieij jong ka BJP bad NPP ban pyllait ïa u dewiong ha ka por ba ïalap Election MLA 2018.

U kyrtong ka Congress haka jingialang kaba long haka sngi Thohdieng ha Iawpynsin Wahiajer, West Jaiñtia Hills District ula ther tyngeh ïaka sorkar synrop kaba ïalam ka NPP ha Jylla kaba haka por elekshon MLA kibs la khlei ïaki juban lak ban pyllait ïaka dewiong hapoh 6 bnai bad ka BJP hapoh 180 sngi. U Ma Pala ula ong  ba namar bym urlong kane ka jubanlak ba ka NPP bad BJP, ki nongbylla bad nongkhaii dewiong kila thom ïaka sang ban tih dewiong beaiñ kaba la wanrah ïa kane ka jingjia ba sngewsih.

U Ma Pala ula ong ba ka sorkar MUA hapoh ka jingialam u Dr. Mukul Sangma bad dalade shimet ruh naduh bala khang tih dewiong ka NGT 2014 ha Jylla kila shimkhia ban buddien bad iakren bad ka sorkar pdeng khamtam ka Home Ministry bad kiwei kiwei ki tnad sorkar jong ka sorkar pdeng ban pyllait ïaka jingkhang tih dewiong haka jylla, hynrei ki file mynta ki sahku ha miej ba khein sting ka sorkar synrop MDA.

“Ym dei ka Congress kaba khang dewiong, hynrei la khang ïa u dewiong namar bala don ka mukotduma ba la ujor da ka All Dimasa Students Union Dima Hasao District sha ka NGT bad mynta kane ka mukotduma kala poi sha ka ïing bishar ba hakhliehduh ka Ri bad ka jingbishar ïaka mukotduma halor u dewiong kan long ha u Iaiong 24 tarik”, la ong u Ma Vincent bad bynrap ban ioh tih ïa u dewiong hap shna ki aiñ kiba iadei bad mariang ban nym ktah iaki um ki wah.