Ka Jingeh ki Ñiut: Rai ki Waheh Chnong Jowai ban sangeh treilang bad ka bor synshar district WJH, 17 tarik ka public rally

Syllad | The Rising MeghalayaAugust 10, 2021

Ka Synjuk Waheh Chnong Jowai kaba la khie bitar halor ka jingphiel ka bor synshar District West Jaintia Hills ban kynriah iaki ñiut ki ñier kiba la kylla lum ha sor Jowai kala rai ban sangeh ban iatrelang shisyndon ne Boycott iaka bor synshar district West Jaintia Hills ha baroh ki jait kam haka sngi ba Ar.

Kane boycott ne ka jingsangeh iatreilang kan long tad haduh ba ka District Administration ban pynjem iaka jingeh u paidbah da kaba pynkynriah ia baroh ki ñiut na Jowai sha ka jaka ba dei ban lait naka sma iwtung bad kiwei ki jingpang ba shyrkhei,” la ong u ma Alan Niangti president Synjuk Waheh Chnong Jowai haba kren bad ki nongthoh khubor hadien ka jingrah placard ban pyrshah sorkar kaba la long ha Iawmusiang bad Iawthymme, Ladthadlaboh ha ki jaka ba lum thup iaki ñiut.

“Naduh ba sdang ka jingakhun thma COVID-19 haduh mynta ngi ai ka jingiatreilang bad ka bor synshar district ha kino kino ki kam, hynrei ha kane ka kynti ngi shim sienjam ban sangeh shisyndon ban iatreilang bad ka bor district namar ba kala phiel ban weng iaki ñiut na sor Jowai,” la ong u ma Alan Niangti.

“Ngi la rai ban sangeh ruh ban iatreilang bad ka bor synshar district haka Independence Day bad ka jingrakhe jingiohlaitluid 75 snem ka ri,” la ong u ma Alan Niangti.

U ma Alan Niangti ula ong shuh shuh “Lada ka sorkar ne bor synshar district kam lah ban pynkynriah iaki ñiut na Jowai ngi la rai ban pynlong da ka Public Rally haka 17 tarik Nailar 2021 ha Jowai ban pyrshah iaka jingbymlar kam ka sorkar.”

U ma Riquoma Rq Laloo, Secretary ka Synjuk Waheh Chnong Jowai ula ong “Ngi la rai ban thoh da ka shithi sha u Chief Secretary ka Jylla halor kane ka jingeh baroh bad ruh halor ka jingpynkhien iaka kyndon 144 CrPC kaba la pynjari ha Mynkjai.”