Ka jingai jinghikai halor ka hok jong ki khynnah ha Wapung

Syllad | The Rising MeghalayaMay 17, 2019

JOWAI: Ka 7 Thyndai Child Care Institute Cum Counselling Centre lyngba ka seng longkmie jong ka Seiñraij Tuber kala pynlong ïaka prorkam ai jinghikai halor ka hok jong ki khynnah bad ka halor ka jingkyrni ban dih ïaki jingdih pynbuaid kaba la tip kum ka “child right, child abuse & substance abuse” haka sngi Thohdieng ha Community Hall Wapung Shnong.

Ki riew shemphang kiba la donlang ha kane ka jingai jinghikai ki kynthup ïa u T Kyndiah, District Child Protection Officer Khliehriat, VS Rathore Superintendent of Police Khliehriat.

Kiwei kiwei kiba ai jingkren ki kynthup ïa u Mutlang Dkhar, Waheh Shnong Wapung Shnong, u Jolby Sana General Secretary Seinraij Tuber, Kong Ialamki Sutnga, Superintendent ka 7 Thyndai Child Care Institution Cum Counselling Centre.

U Lasky Rymbai, Deputy CEM JHADC ula long kum u kongsan bad la pyniaid ïa kane ka jingai jinghikai da ka kong Tiewmihpli Lyngdoh. La wan ban ïashimbynta da ki khynnah skul na ka shnong ryngkat ki nonghikai bad ki paidbah.