Ka jingai dawai Polio ha East Khasi Hills haka 4 tarik Lber

Syllad | The Rising MeghalayaFebruary 12, 2024

Ka Ophis treikam jong u District Medical & Health Officer, East Khasi Hills, kan pynlong ïa ka jingai dawai Polio ba la tip kum ka Intensified Pulse Polio Immunization Programme (IPPI) 2024 nauh ka por 9 baje mynstep haduh ka por 5 baje janmiet ha ki jaka bapher bapher ba la dep ban pynbeit ha kylleng ka district.

Hadien kane ka jingai dawai yn sa pynbud pat da kaba leit rung sha manla ki thliew ïing briew bad kane pat kan long haka 5 bad 6 tarik Lber 2024.

Ka thong jong kane ka program ka dei ban pynduhjait ka jingpang Poliomyelitis bad ban ai dawai ïada ïa baroh ki khyllung kiba dang don hapoh ka san snem ka rta ban ïakhun pyrshah ïa u khñiang jingpang polio virus ha ka district bad kumjuh ruh ha ka jylla hi baroh kawei.

Na ka liang ka tnad ka koit ka khiah, kala kyntu ïa baroh ki kmie ki kpa ban wallam ïa ki khun jong ki kiba dang hapoh ka san snem sha kitei ki jaka kiba la buh kiba don ha ki shnong jong kin a ka bynta kane ka jingpyndih dawai. La kyntu ruh ïa ki Rangbah Shnong, ki NGO, ki Nongïalam Balang bad kiwei kiwei ban ïasnohkti lang bad ka tnad Health & Family Welfare ban pynlong kane ka program kaba jop khnang ba ki khun ki kti kin long kiba la ïada lypa na kine ki khñiang bad pynduhjait ka jingsaphriang jong kane ka jingpang ba shyrkhei.