Ka Janmiet jong ki sur jingrwai, yn tem da kynhun tem ba paw ka sor Jowai

Syllad | The Rising MeghalayaAugust 8, 2019

JOWAI: Ka Chutwakhu Social Welfare Local Dorbar ka shong kaba don ha sor Jowai, West Jaiñtia Hills District, ka long ka shong kaba sngewtynnad iaka put ka tem, ka rwai ka siaw naduh ki por mynshwa. Kala ju pynlong ia ki Concert ki bapher bapher ha ki snem kiba la leit bad ha kane ka kynti ruh ka Chutwakhu Social Welfare Local Dorbar lyngba Music Committee kaba long ka wei na ki tnad treikam ka jong ka shnong kan pynlong ïa ka Musical Concert ka ba ki ai kyrteng ka “An Evening Of Different Genre” haka 10 tarik u Nailar 2019 ha Chutwakhu Indoor Sports Hall Cum Auditorium, Jrisalein Jowai naduh ka por 6 PM.

Ka jingthmu jong ka shnong ban pynlong ia kane ka Musical Concert ka long ban kyntiew ïa ka put ka tem ka rwai ka siaw hapoh ka shnong Jowai hi baroh ka wei, ki nongiashim bynta ha kane ka sngi kin long beit tang ki kynhun tem na ka sor Jowai, ka shnong ka khot sngewbha ia ki paralok ki ba sngewtynnad ia ka tem ka put ban sngewbha ban ia wan ai mynsiem ia ki khun samla ki jong ngi ki ba don iaka kane ka sap kyrpang, kin don haduh 11 tylli ki kynhun tem ki ba pawnam hapoh ka sor Jowai ki ban wan pynbyrngia da ki sur jingrai ba bun jait naduh ki jingrwai Rock, Alternative Rock, RnB, Pop, Nu Metal, Funk, Soul, Experimental, Blues, Reggae bad kiwei kiwei ki jait sur jingrwai.

Ha kane ka janmiet kin don ruh ki Band kiba la ïa shimbynta ha ki rynsan ki ba pher ba pher kum ha ka Hornbill Festival bad kiwei kiwei ki Festival ki ba hapoh ka District bad sha bar ruh bad don ki ba la pynmih ïa ki Album Jingrwai jong ki kiba ki la thaw hi. Bad don ruh na ki ki ba la jop ia ki Beat Contest kiba pher ba pher.

Ki katto katne ki kynhun tem kiban tem ha kane ka janmiet ki long ka Route 44 ka ba long ka wei na ki band ba la slem bha bad ia kane ka Band la seng naduh u snem 2015 da ki saw ngut ki shi paralok.

The Nexus ia kane ka band la seng ha u snem 2017 kane ka band ka long ka ba ju tem ia ki jingrwai jong U Jimi Hendrix Tribute Band.

Ultimate Rays kane ka Band la seng naduh U snem 2017 da u dkhot u jong ka u ba long U Guitarist jong ka.

The Twilight kane ka long ka Blues Rock band ka ba la seng naduh u 2017 kane ka band ka la ju ia shimbynta ha ki rynsan kiba ha sor Shillong bad Jowai. Kane ka Band ia mynta ka dang pynkhreh ban pynmih ia U Album u jong ka ha kine ki snem ki ban sa wan.

The Quiet Storm, kane ka Band la seng ha U bnai September 2018, kane ka band ka la ju ia shimbynta ha ki ba bun ki rynsan ki ba pher ba pher ki ba ha Shillong bad Jowai bad ka la ia shim bynta ruh ha ka Blues man of Meghalaya bad ha ka 7th International Blues Day ka ban sa long ha Shillong.

Larger Than 90 ia kane ka band la seng ha u ne u snem 2019 da ki saw ngut ki shi paralok, hynrei kane ka band ka la lah ban pynmih ia la u Album u jong ka ha une hi u snem, ki jingrwai jong kane ka kynhun ki don haduh 10 tylli ka wei na ki ne ki jingrwai ka ba ki ai kyrteng ka ‘Poisa’ ka ba dei ka jngrwai haka ktien Pnar ia kine ki jingrwai jong kane ka kynhun phi lah ban ioh na internet Spotify.com.

Ka kynhun tem The Lynx kalong kawei pat ka band hapoh ka sor Jowai kaba la seng la khamslem bad kala shimbynta ha ki rynsan ki ba pher ba pher kum ka Hornbill Festival bad ki wei ki wei ki rynsan ha kylleng jong ka Northeast ka la ju ia shim bynta ruh ha ki Beat Contest bad ka la ju ioh rah ruh ia ki khusnam na ki ne ki beat contest.

Ka kynhun tem  Faith Back ia kane ka band la send naduh u snem 2013 ka long ka band kaba kiba bun ki ju sngewtynnad bad kane ka Band ka ju tem ia ki jingrwai rock jong ki snem 1980s.

Ka kynhun Echo Dirt kane ka long ka band ba ju tem ia ki jingrwai Alternative Rock la seng ia kane ka Band da ki saw ngut ki shi paralok.

Kine kin ïa tem ïaki sur jingrwai ha ka juh ka rynsan kawei hadien kawei, kumta ka shnong ka khot bad wer sngewbha ïa baroh ki ba ju sngew tynnad ba sngap ia ki jingrwai ba phin sngewbha ban wan ban ai jingkyrshan ia kine ki band ban mynsiem ban nang kiew shaphrang ha kane ka liang ka put ka tem khamtam ha kine ki sngi ki ba ki khun samla ki ngop ha ki ba bun jait ki jingsniew ka imlang k sahlang khnang ba kin lait na kine ki ei ki ei baroh.

Ka bai rung sha kane ka concert kalong T.300/-, T.200/- bad T.100/-.