Ka Janmiet Ha Ki Sur Jong Ka Classical Guitar ha Shillong; kin don nongtem bna nam na USA bad Thailand

Syllad | The Rising MeghalayaFebruary 7, 2019

SHILLONG: Ka School of Classical Guitar, hapoh ka jing kyrshan jong ka Music in Home ryngkat ka jingiatreilang jong ka Indian Guitar Federation bad ka Big FM 98.3 Shillong, kan pynlong ia ka Concert ha ki sur jong ka Guitar kaba lah ai kyrteng ia ka kum “Ka Janmiet Ha Ki Sur Jong Ka Classical Guitar”.

Ha kane ka Concert kin don arngut ki nongtem guitar kiba bna nam jong ka pyrthei kata U Matt Bacon na USA bad U Padet Netpakdee na Thailand.

Khyndiat shaphang U Matt Bacon, ha jingiaid lynti jong U ha ka liang jong ka put ka tem, U Matt Bacon U la long teng U nongjop ha ka “Texas National Music Festival” “Classical Mind” ha kajuh ka por U long ruh U Nongthoh Jingrwai, U recording artists, bad U nonghikai ha kawei napdeng ki skul ha ka put ka tem jong U A.R. Rahman ka KM Conservatory of Music kaba don ha Chennai India. U Matt Bacon U la iohpdiang ia ka Master degree na San Fancrisco Conservatory of Music ha U snem 2014 bad ia ka B.A na Peaboy Institute of John Hopkins University ha U snem 2010. Ha baroh ar ki kyrdan U Matt u la wan shakhmat bad U la ioh ia ka merit scholarship, bad ka khusnam da ka Carrier Development Grants.

Halor U Padet, la kha ia U ha Chiang Mai, Thailand bad U la sdang ia ka put kam tem lyngba ki tiar put tiar tem tynrai jong ka Ri Thailand. U la ioh ia ka Gold Medal Price haba U dang don tang 14 snem karta ha ka jingiakop tem guitar ha ka Thailand kaba la tip kim ka Thailand Youth Music Competition lyngba jong kane ka khusnam ka la pynlong ban shim ia ka rai ban pynlong ia ka put ka tem kum ka kam ha ka jingim ka jong U. Kane ka long kum kaba sdang napdeng ki jingjop ki jong U ha ka put ka tem kaba kynthup ia ka 1st prize na la Thailand International Guitar Competition 2019. U Padet U la ioh ia ka jinghikai ha ka guitar na ki nongtem Classical Guitar kiba paw jong ka Pyrthei kiba kynthup ia Leon Kaudelak, Sergio Asad bad David Tanenbaum. Nalor ba U la long U nongtem Clasdical Guitar uba la ih bha, U ju pynlut por ruh ialade ban pynbeit sur na kiwei ki jait jingtem sha ka Guitar bad U ju thaw ruh ia ki sur ha ka Guitar bad kiwei de.

Da ka jingthmu ban pynsaphriang bad ban kyntiew ia ka jingtem ha ka Classical Guitar, La seng ia ka School of Classical Guitar ha U snem 2016.

Naduh ba la seng ia ka, kum ka Skul ka la pynlong ia shibun ki guitar concert bad ki guitar workshop nalor ka jing ai jinghikai sha ki khynnah ha ka theory bad ka practical ruh kumjuh kaba iadei bad ka western classical music bad ban ka skul ka pynialeh examin ruh ia ki khynnah ha ki grade exam na ki international music board kiba pher jong ka pyrthei.

Khnang ba kan long ka Concert kaba jop bad ka kaban pynhun bad pynkmen ia ki nongwan sngap ki nongpyniaid jong kane ka Concert ki la rai ban ym shim kano kano ka bairung bad ki lah ban siew “Katkum Ka Jingkwah Jong Nongwan Sngap”

Kane ka Concert kan long ha Dorbar Hall Cum Indoor Stadium Mission Compound, Shillong haka 9 tarik une ubnai Rymphang. Ia ki jingtip kiba bniah phi lah ban phone ha kine ki no: 8794190337, 9856902633, 9436716686.

 

Featured Image Sources: Internet