Ka eksam thungkam pulit ha ka Jylla kan sdang naduh u bnai ban wan

Syllad | The Rising MeghalayaApril 30, 2025

Ka written exam na ka bynta ka jingpynrung sha ka kam pulit ka Jylla kan sdang naduh u bnai Jymmang u ban wan.

Haba pyntip ia kane ha ka 29 tarik Iaiong, u Symbud Myntri Rangbah ka Jylla u ba khmih ia ka Tnad kam Pohiing (Police), u Bah Prestone Tynsong u la ong ba u la khot ia ka jingialang bad ka Director General of Police (DGP) lem bad kiwei pat ki heh ophisar na ka Tnad kam pohiing ban bishar bniah halor ka jingiaid jong ki kam ki jam kiba iadei bad ka jingthungkam.

U la ong ruh namar ba ka PET exam ka la dep, mynta ka Tnad kan pynlong sa ia ka written exam ha baroh kawei ka jylla naduh une u bnai Jymmang u ban wan, bad hadien kane yn bud sa ka jingpynlong ia ka personal interview.