Ka ECI kan pyllait paidbah ia ka app ‘ECINET’ ba la pyniasoh lang ia baroh ki app elekshon

Syllad | The Rising MeghalayaMay 6, 2025

Ka Election Commission of India (ECI) shen kan pyllait paidbah ia ka ECINET, ka digital platform kaba don tang kawei ka point kaba pyniasoh lang ia palat 40 tylli ki app elekshon kiba la don lypa ryngkat bad ka UI/UX kaba la pynbha. Kane ka jingthmu ka long ban pynbeit ia ki jingshakri jong ki nongthep vote bad ka jingpyniaid ia ki jingtip na ka bynta ki heh sorkar.

La pynbna da u chief electoral officer ka Jylla Dr BDR Tiwari bad ong ba ka ECINET kan suk ban pyndonkam na ka bynta ki nongjied, ki heh sorkar, ki seng saiñpyrthei, bad ki seng bhalang, kaba pynduh noh ia ka jingdonkam ban rung bunsien.

Kane ka rynsan, kaba la maitphang da u CEC Gyanesh Kumar ha ka jingialang jong ki heh ophisar jong ka elekshon ha u bnai Lber 2025, kan pynïasoh lang ïa ki apps ba kongsan kum ka Voter Helpline, ka cVIGIL, ka Suvidha 2.0, ka ESMS, ka Saksham, bad ka KYC, kaba ai jingmyntoi ïa ki nongthep vote bad ki heh ophisar ha kylleng ka ri India.

Palat 524 ngut kiba don ar kyrteng ha ka Electorall Roll la weng noh da ka Tnad Election

Tang ki heh jong ka ECI kiba la ai bor kin pynrung ia ki jingtip ban pynthikna ia ka jinglong kaba thikna, da kaba pyndonkam da ki phorm ain lada don ki jingialeh. Ka app ka dang don ha ka jingpynbit pynbiang ne test bad ban tehlakam bad iada kaba la tip kum ka cyber security. La shna ia kane da ka da ka jingïamir jingmut kiba bniah bad ki jingbishar bniah ïa ka rukom treikam jong ka elekshon.

Lyngba kane ka apps ECINET baroh ki jingtip bad ki jingkhein kiba dei kiba la pyniahap bad iadei bad ki kyndon ain jong ka hapoh ka Representation of the People Act (1950, 1951), Registration of Electoral Rules (1960), and Conduct of Elections Rules (1961).