Ka Dongwah Mupyut, Karkhana bad Pdengkseh haka football ka ASSA

Syllad | The Rising MeghalayaNovember 28, 2024

Ka Dongwah Mupyut, Kharkhana bad Pdengkseh SC kila khur jingjop katba ka Tympang Club bad Pdengshakap kila iakhaid haka jingialehkai jingialehkai Upper Division bad Lower Division Football Tournament.

Ia kane ka lympung ialehkai la pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 27 tarik Naiwieng.

Haka jingialehkai jong ka kyrdan Upper Division kala jingiakhun ka la kut da ka jingiakhaid kaba mar 1-1 hapdeng ka Psadwar Senglang bad TC Pdengshakap. Iaka kol jong ka TC Pdengshakap la thep da Bamenri Suchen 22 bad iaka kol jong ka Psadwar Senglang la thep da u Jied Pohplet 40.

Haba phai shaka jingialehkai jong ka kyrdan Lower Division, ka Dongwah Mupyut kala jop pyrshah iaka War Jaintia Veteran da 2-0 bad ia kine ki kol la thep da u Chemphang Phawa 3 bad Army Phawa 8.

Haka jingialehkai kaba bud, ka Kharkhana kala pynliem iaka Lumkyntur United da 2-0 bad ia kine ki kol la thep da u Eplanmidaman Shylla 4 bad Dishai Pohrmen 45.

Haka jingiakhun kaba khatduh jong kane ka sngi, ka Pdengkseh SC kala pynliem iaka Amlanai da 1-0 lyngba ka kol ba la thep da u Kynsai Muksor.