Ka Curfew haduh 18 tarik ha Shillong, dang bteng ka khang internet

Syllad | The Rising MeghalayaAugust 16, 2021

Ka Sorkar Jylla haka sngi Nyngkong kala shim iaka sienjam ban bteng iaka Curfew haduh 5 baje mynstep jong ka 18 tarik Nailar 2021 bad kan bteng ban khang iaka Internet sa 24 kynta.

U Myntri Rangbah, Conrad K Sangma ula iathuh ba ka jingialang cabinet kala rai ban thung iaka judicial enquiry katkum ka Commission of Enquiry Act ban tohkit bniah halor ka jingjia shah siat u Bah Cherish S Thangkhiew haka 13th August, 2021.

Shuh shuh ka sorkar kala rai ban thung iaka Peace Committee ka ban khlieh da u Deputy Chief Minister, P. Tynsong bad ki Cabinet Ministers ba kynthup ia u Hamletson Dohling bad Renikton L Tongkhar.

Kane ka peace committee kan kynthup ruh iaki nongialam sengbhalang, ki nongialm niam, nongialam shnong bad kiwei kiwei.

Kan don ruh ka Sub-Committee na ka bynta Security & Law & Order ban khlieh da u Chief Minister, Conrad K Sangma bad u Deputy Chief Minister & Home Minister ban kin peit bniah iaka jinglong jingman ka shongsuk shongshngain bad ki jingma kiba ap nalor ka jingtreikam ka tnad Pulit haka Jylla.