Syllad

Syllad

The Rising Meghalaya

  • Home
  • Meghalaya
  • North East
  • National
  • Global
  • Sports
  • Covid_19
  • Opinion
  • Advertisement
  • Contact
  • About
  • Ka Continuing Nursing Education (CNE) State Conference kaba nyngkong ha East Jaiñtia Hills District

    Syllad | The Rising MeghalayaMay 1, 2019

    WhatsApp
    Share
    Share
    Tweet
    Pin

    KHLIEHRIAT: Ka CNE Cell East Jaiñtia Hills District kala  pynlong ïa ka CNE (Continuing Nursing Education) State Conference kaba nyngkong duh hapoh East Jaintia Hills District kaba lah pynlong haka 27 Iaiong 2019 ha St. Anthony’s College Extension Auditorium Byndihati.

    Ïa kane ka jingialang ki Nurse la pyniaid da ki Nurse ka CNE Cell East Jaiñtia Hills District ka kong Testmary Suna iba long i Organizing Chairperson, ka Kong Balari N Sympli iba long i Organizing Secretary bad kiwei kiwei ki Organizing Committee Members.

    Ha kane ka sngi u kongsan u dei u Ma Kyrmen Shylla uba long u Cabinet Minister jong ka Sorkar Meghalaya u la ong ba kane ka Conference ka long kaba don jingmut namar ban ai jinghikai halor kumno ban pynbha shuh shuh ia ka rukom treikam bad ka jingai jingsumar ia ki  nongpang katkum kane ka juk mynta.

    “Nga ngeit ba kane ka Conference kan iarap ruh ia ki Nurse ba kin nang lah ban ai ki jingiarap kiba kham bha ia ki paidbah, bad ruh ki Nurse kiba la wan ia shim bynta kin ioh jingmynthoi shibun na kane ka Conference” ong u Myntri Sorkar.

    I Kong DM Suja, ADM East Jaiñtia Hills, kaba long ka symbud Kongsan ka la pynpaw ia ka jingsngew kmen halor ka jinglah ka tnad ka koit ka khiah ban pynlong ia kane ka Conference kaba long ka lad ia kine kiba la wan ban shim bynta ba kin ioh ki jinghikai bapher bapher kiba long katkum ka juk ba mynta kaba long halor ka mat ba kumno ban ai jingsumar ia kipang ba shitom. Kala ong ruh ba ka ngeit skhem ba kine ki Nurse kiba la iawan ban ia shim bynta ki long kum ki Nong Maitphang (Agent of change) kiba wanrah ia ka jingkylla ha ka imlang ka sahlang ha ka rukom ban ai jingsumar.

    Ki Doctor kiba la wan ban ai jinghikai ki kynthup i Dr.Iohborlang Rymbai MD Physiology CHC Khliehriat bad i Dr.Siddhart K.Sangma Deputy Consultant na Dr.Norman Tunnel Hospital Jowai.

    Ki Nurse kiba la wan ban ai jinghikai ki kynthup i Kong Bakyntiew Mawkhiew Assistant Professor Woodland Institute of Nursing Shillong, i Kong Graceful D.Lyngdoh Nursing Tutor cum Diabetic Education na Dr.H.Gordon Robert Hospital Shillong, ka Kong Mawkordor Kharshiing Assistant Nursing Superintendent Ganesh Das Govt MCH Hospital Shillong, i Kong Jubida Rynjah Nursing Lecturer AINE cum Nursing Education GNRC Hospital Guwahati, kiwei pat kiba la ai jingkren ki kynthup ia i Dr.J Lakiang DM & HO East Jaiñtia Hills District, i kong Rani Dhar bad kiwei kiwei.

    Google News Button syllad

    Continue Reading

    Syllad | The Rising Meghalaya

    Syllad is a fully digital news portal from Meghalaya. With tagline “Syllad-The Rising Meghalaya” Syllad brings voices of Meghalaya to the rest of the world.

    Leave a Reply Cancel reply

    Your email address will not be published. Required fields are marked *

    STAY CONNECTED

         Facebook

       Instagram

       Youtube

       Twitter

    SITE LINKS

    • About
    • Advertise with us
    • Hiring Freelance Writers
    • Contact us
    • Privacy Policy
    • Grievance Redressal
    • Refund policy
    • Terms and Conditions
    • Advertisement

    © 2019 Syllad

    Powered By AbodeOrigin | Marketing Wire
    Empanelled With Directorate of Information & Public Relations
    Government of Meghalaya