Jurip u Sniawbhalang Dhar iaka Shillong District Jail bad iaka Shopping Mall

Syllad | The Rising MeghalayaMay 18, 2023

U Symbud Myntri rangbah ka Jylla ba peit ia ka tnat Home (Prison), u Bah Sniawbhalang Dhar u la ong ba ka jinglong jingman ka Shillong District Jail kala khapngiah palat bad ka sorkar ka la pynkhreh ban rah noh sha New Shillong ha Mawdiangdiang.

U Bah Sniawbhalang haka sngi Palei u la jurip ia ka Shillong District Jail ban peit ia ka jinglong jingman jong ka. U la ong ba ka jingpyntrei ia ka district jail bathymmai ka la iaid, bad yn da la dep ban pynbit pynbiang lut yn sa pynkynriah noh ia ki koidi na ka phatok kaba rim.

U la ong ba ka jaka jong ka tnat Urban Affairs kaba heh kumba 25 akar bad kane ka phatok thymmai lah ban set 1000 ngut ki koidi.

Hadien kane, u la jurip ruh ia ka jingpyntrei ia ka Shopping Mall kaba don ha jaka pynïeng bus jong ka Meghalaya Transport Corporation, ha Khyndailad. U Bah Sniawbhalang Dhar u la ong ba yn bthah ban pyndep noh ia katei ka jingtei hapoh 2 snem, khnang ba ki paidbah kin ioh jingmyntoi.

Ha kane ka jingjurip la iadonlang u Wailadmiki Shylla Chairman MUDA, CEO Shillong Municipal Board bad kiwei ki ophisar sorkar bad ki contractor.