Julor u kba u khaw na ka jinghap phria ha khappud Meghalaya Assam

Syllad | The Rising MeghalayaFebruary 23, 2020

U Phria bad u slap kila wan ther ha ki thain khappud jong ka Meghalaya Assam haka Sngi U Blei bad kala wanrah ka jingjulor ïaki tnum ïing bad ïa u kba u khaw uba dang shu dep ot ha kane ka aiom ot kaba la dep.

U Slap ula ther ha kiba bun ki jaka kynthup ka sor Shillong ruh kala ïoh mad ïa u slap ba nyngkong, katba ha ka khappud Assam Meghalaya ki paidbah kila ïoh mad ha ryngkat bad u phria.

Kiwei kiwei ki shnong ki khappud kiba ïoh slap ki dei ka Saitsama, Khanduli bad katto katne ki shnong kiba hap ha Karbi Anglong.

Ha Lapangap, ka shnong kaba don ha khappud Meghalaya bad ka Assam ha kane jingwan hiar u slap ryngkat bad u phria kala pynjulor haduh 15-16 tylli ki tnum ïing bad kala pynjulor ia u kba u khaw nalor ka jingdon jingem jong kine ki longïing, la ong u Waheh Shnong Lapangap u ma Deimonmi Lyngdoh.