Julor phom ka trok ba kem ding, lait thaw ar ngut

Syllad | The Rising MeghalayaApril 29, 2024

Ar ngut ki briew kynthup u nongniah bad u nongbud ka trok kila lait thaw na ka jingpluh ding hadien ba ka trok kit jri (rubber) kala pluh ding bad julor phom.

Kane ka jingjia kala jia haka por kumba 2 baje nohphaisngi ha ka shnong Jyntru haka surok National Highway 6 Ri Bhoi District haka 29 tarik Iaiong.

Ka khubor ka iathuh ba kane ka trok kit jri kaba don ia u registration number JK 05 H 0666, ka dei kaba ieng harud surok bad na ka jingshit ka suin bneng, ban pynjah thait ialade u nongniah ha ryngkat u nongbud ki thiah hapoh ka trok

La iathuh ba u nongbud ka trok ula mynsaw namar ka jingioh ban bam ki pliah ding katba u nongniah u la mynsaw malu mala

Ki pynlip ding na Nongpoh, Umsning bad Umiam fire and emergency services kila pyrshang ban tem iaka ding, hynrei ka klang jur ka ding ka trok kala julor phom.

Baroh arngut kine ki mynsaw la pynkit sha Nongpoh Civil Hospital.