Jot rathai ka jingkieng & ka surok haka thaiñ Maweit im syrtok ki paidbah; yn shong shah thngan ka HYC

Syllad | The Rising MeghalayaApril 12, 2019

SHILLONG: Ka HYC Maweit Circle ka pynpaw ia ka jingsngewkhia halor ka jingsniew tasam ka surok Nongstoin-Maweit bad ki jingkieng jot, kaba buh jingma ïaka iaid ka ieng u paidbah.

Ka HYC Maweit Circle kala pynpaw ka jingbynñiaw kaba khraw halor ka jingiehbein ka sorkar ia ka thain Maweit ha ki liang baroh khamtam ka surok, ki jingkieng- kiba long u shabi jong ka roi ka par. Halor kane ka jingshah beiñ ka thain Maweit ka HYC kala shong jingialang haka 12 tarik u Iaiong bad la rai ban sngew ïaka jingeh u paidbah da kaba Ïaid Rally bad shah thngan na Maweit shaduh Nongstoin haka 27 tarik une u bnai.

Ka HYC shen kan sah leit ban pynsngew ia kine ki jingeh jingjynjar ka thain ha kiba bun ki liang sha u Symbud Myntri Rangbah ka Jylla ba dei peit ia ka tnad PWD u bah Prestone Tynsong, Local MLA u Bah Gigur Myrthong bad ban dawa ban wanrah iaka surok ba lah ban iaid kali arliang (two lane)  bad ban dawa ban siangrong ïaka surok na Nongstoin sha Maweit.