Jop ka Wahiajer haka Super Div, rung final ka Chutwakhu haka 1st Div WJDSA

Syllad | The Rising MeghalayaNovember 12, 2024

Ka Wahiajer SC kala jop da 4-1 iaka Shangpung Lumiawmuchai haka Super Division Football Tournament, katba ka Chutwakhu kala buh jaka ialade haka final 1st Division hadien ba kala jop da 1-0 iaka Khliehiongriang haka jingialehkai semifinal kaba long haka madan Kiang Nangbah Stadium haka 11 tarik Naiwieng.

Baroh ar tylli kine ki lympung la pyniaid da a West Jaintia District Sports Association (WJDSA).

Iaka kol jop ka Chutwakhu la thep da u Faithful Bthuh (7) bad kane ka kol kala neh haduh ba kut ka jingialehkai.

Ia ki saw kol ka Wahiajer la thep da u Riburom Jat (43), Nicky o chwa Pakma (60), Cleverson Lyngdoh (77) bad Heimomi Dkhar (90+1), katba ka shikol jong ka Shangpung Lumiawmuchai la thep da u Pynshrainmi S Mannar (14).

Haka 12 tarik Naiwieng ka jingialehkai Super Division kan long hadpeng ka Sailung Ialong bad Mukhla Raij haka por 11.00 baje mynstep. Ka Semifinal kaba ar haka1st Division kan long hadpeng ka Mooknor Thadmuthlong pyrshah iaka Sohmynting haka por 1.30 baje nohphai sngi.