Jop ka Ummulong da 82 run iaka Evergreen haka Open To All Cricket ka WJHDCA

Syllad | The Rising MeghalayaApril 18, 2023

Ka Ummulong Sports Club kala jop da 82 run pyrshah iaka Evergreen Sports Club Mukhla Mission haka lympung ialehkai Open to All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan Khliehrtyshi haka sngi ba Ar.

Ka Ummulong kaba la jop iaka toss kala bat shuwa bad kala kamai haduh 264/9 na ka 35 over.

U namtam ha kane ka jingiakhun u dei u Wellmanson Passah uba la lam lynti ia ka kynhun jong ka Ummulong ban khur iaka namjop. U Wellmanson marwei ula synniang 68 run naka 53 ball bad ula ialehkai bha ruh bad ka ball da kaba khur lai wicket kaba la biang pura ia u ban ioh iaka khusnam man of the match ha kane ka jingiakhun.

Kiwei pat kiba synniang sha ka jingkamai run ka Ummulong ki dei u Carefully Gassah (53 run 53 ball) bad u Heisniawlangki Lamare (41 run 41 ball).

Katba ki nongkawang ball ka Evergreen u Khimti Dkhar ula khur 3 wicket bad u Felixdon Bang ula ioh 2 wicket.

Haba poi ka pali jong ka Evergreen ban tied kala liem 9 wicket bad kamai run tang 182 na ki 35 over. U  Evilin Challam bad u Dangahi Suna kila synniang run 45 bad 49.