Jop ka Suchen Mulieh bad ka Evergreen haka 3rd Div ka EJHDFA

Syllad | The Rising MeghalayaSeptember 23, 2024

Ka Suchen Mulieh YWSC bad Evergreen SC Lad Wahwapung kila jop pyrshah iaka Rymbai Sports bad iaka Tuber Shohshrieh haka lympung ialehkai 3rd Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf Diengshynrum haka 23 tarik Nailur.

Ha lyndet ka namjop ka Suchen Mulieh ka dei lyngba ka jinglah jong u Hamedahun Lamurong ban thep ar kol (2, 46) bad mar shikol na u Arki Suchen (33) bad Dominic Suchen (61). Shikol na ka Rymbai Sports la thep da u Solify Swer (12).

Katba ka namjop ka Evergreen SC Lad Wahwapung kala wan pyrshah iaka Tuber Shohshrieh SSC da 1-0. Ia kane ka kol la thep da u Dr. Sankey Shangpung (29).

Haka jingialehkai kaba khatduh hapdeng ka Wahsarang SC pyrshah iaka Dkhiah West SC ka jingialehkai kala kut noh da kaba iakhaid khlem don ba ioh pynkhih jar.

Lashai ka sngi 24 traik Nailur, ka jingiakhun quarterfinal jong ka lympung ialehkai 2nd Division kan long hapdeng ka Deinshalalu pyrshah iaka Sutnga Mission SSCC haka por 12.30 baje mynsngi. Ka Musniang SC pyrshah iaka Lakadong Umlatdoh SCSC haka por 3.00 baje nohphai sngi.