Jop ka Sohmynting bad ka Nangbah Iawmusiang haka 1st Div ka WJDSA

Syllad | The Rising MeghalayaOctober 12, 2024

Ka Sohmynting bad ka Nangbah Iawmusiang kila khur namjop haka jingialehkai 1st Division Football Tournament – Chatister Kharkongor Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 12 tarik Risaw

Ka Sohmynting kala jop da 3-1 pyrshah iaka Khimusniang bad ka Nangbah Iawmusiang kala jop da 3-2 iaka Dulong.

Haba phai sha ka jingialehkai, ka Sohmynting kala tam shakhmat da 2 kol lyngba u Meker Suting (8) bad Lastborn Suting (24). Hynrei shuwa ban wai ka kylla step ka Khimusniang kala thep shi kol lyngba u Jeffrey Litting (45+3).

Haba bteng iaka jingialehkai haka kylla miet ka Sohmynting kala pynban biang sha shikol lyngba u Damang I Pyrtuh (77).

Haka jingialehkai kaba bud, ka Dulong kala tam shakhmat shikol lyngba u Sahame Lyngdoh (21) bad kane ka kol kala neh haduh ba wai ka kylla step.

Hynrei haka kylla miet ka Nangbah Iawmusiang kala khyrwit lai kol ban ban kaba wan lyngba u Worldrick Susngi (58, 60) bad shikol na u Shanhok Siangshai (62) kaba la pynskhem iaka jingjop jong ka. Hadien kine ki lai kol ka Nangbah Iawmusiang, ka Dulong kala ioh sa shikol lyngba u Tiros Kyndait (75) bad wat hadien ka jingpyrshang kaba bunsien kam shym la ioh satia ban pynphai biang.