Jop ka Rymbai Synrangshahkhain bad Jaliyiah haka sngi sdang ka 1st Division ka EJHDFA

Syllad | The Rising MeghalayaOctober 14, 2024

Ka Rymbai Synrangshahkhain SC bad Jalyiah UTD SC kila khur jingjop haka sngi sdang jong ka lympung ialehkai 1st Division Football Tournament ba la pyniaid da ka East Jaintia Hills District Football Association (EJHDFA).

Kane ka jingialehkai kala long haka 14 tarik Risaw ha madan Artificial Turf Deinshymrum, Khliehriat.

ka Rymbai Synrangshahkhain SC kala pynliem iaka Byndihati CSC da 1-0 lyngba ka kol ba la thep da u Hikaidame Bareh (61).

Haka jingialehkai kaba bud, ka Jalyiah UTD SC kala pynliem da 2-0 iaka Khliehriat West FC. Ia kine ki kol jong ka Jalyiah UTD la thep da u Jusmi Dkhar (11, 63).

Ia kane ka lympung ialehkai la plie iaka da u Bah Merimon Rymbai Waheh shnong barim Rymbai haka jingdonlang u Ex- CEM barim ka JHADC u Bah Hambertus Nongtdu nalor ki nongialam bad dkhot ka EJHDFA.