Jop ka Rymbai Shkenshynriah, iakhaid ka Dhana vs Chiehruphi, jam semifinal ka Super Div EJHDFA

Syllad | The Rising MeghalayaDecember 4, 2024

Ka Rymbai Shkenshynriah SC kala jop da 3-0 pyrshah iaka Sutnga SSCC, katba ka Dhana CSC kala iakhaid da 1-1 pyrshah iaka Chiehruphi SYWC haka Super Division Football Tournament kaba pyniaid daka East Jaintia Hills District Football Association (EJHDFA) kaba long haka madan artificial turf ha Diengshynrum haka 4 tarik Nohprah.

Da kaba kut noh wat kaba nyngkong mynta ka sngi, kane ka tournament kala jam noh sha ka semifinal ha kaba ka Thangskai Tiger kan aireng pyrshah iaka Dhana haka qualifier 1 haka 9 tarik Nohprah bad ka Rymbai Shkenshynriah kan aireng pyrshah iaka Sutnga SSCC haka eliminator haka 10 tarik Nohprah.

Haba phai sha ka jingialehkai, ki lai kol ka Rymbai Shkenshyriah la thep da u Riboklang Bareh marwei ar kol (26, 82) bad shikol da u Mathew Bareh (90+1) kiba la biang pura ba kan khur iaka jingjop bad wan haka kyrdan kaba ar da kaba kamai 13 poin. Ka Sutnga kala wan haka kyrdan kaba saw da kaba kamai 12 point.

Katba ka jingialehkai ka Dhana bad ka Chiehruphi, ka Dhana kala ioh pynkhih shuwa iaka jar lyngba own goal kaba la thep da u Coming Dkhar (24). Ka Chiehruphi kala ioh ban pyniakhaid lyngba ka penalty haka minit kaba 45+3 lyngba u Sandy Kassar.

Da kane ka jingiakhaid ka Dhana kala wan haka kyrdan kaba ar da kaba kamai 13 poin bad tam da ka jingiapher kol +2 iaka Rymbai Shkenshynriah, ka Chiehruphi haka kyrdan kaba san hadien ba kala ioh ban kamai 11 point bad ka Thangskai Tiger kala wan haka kyrdan kaba hakhliehduh da kaba kamai 15 poin na ki 7 tylli ki jingiakhun.