Jop ka Pamrakmai, iakhaid ka Tpepswer bad ka Mukhaialong haka 1st Div ka EJHDFA, lashai ka final 2nd & 3rd Div

Syllad | The Rising MeghalayaOctober 15, 2024

Ka Pamrakmai SCSC kala jop da 3-0 iaka Lumshken SC, katba ka Tpepswer SSWO bad Mukhaialong SCSC kila iakhaid haka jingialehkai 1st Division Football Tournament ba la pyniaid da ka East Jaintia Hills District Football Association (EJHDFA) kaba long artificial turf ha Diengshynrum haka 15 tarik u Risaw.

Ha lyndet ka namjop ka Pamrakmai SCSC ka dei ka jinglah ialehkai bha u Nirmal Dkhar uba marwei ula khyrwit ar kol (24, 71) bad shikol na u Laphing Shylla haka minit 32.

Ha kawei ka jingialehkai ka Tpepswer SSWO pyrshah iaka Mukhaialong SCSC kala kut da kaba iakhaid da 1-1.

Iaka kol jong ka Mukhaialong la thep da u Hamiaid Sana (37) bad iaka kol jong ka Tpepswer la thep da u Chemi Suchiang (68).

Ha kawei pat ka khubor ka ERJHDFA, kala pyntip ba ka final jong ka lympung ialehkai 3rd Division bad 2nd Division ka long lashai ka sngi 16 tarik Risaw.

Haka 3rd Division kan long hapdeng ka Lumshnong YWSC pyrshah iaka Dkhiah West haka por 12.00 baje mynsngi. Katba haka 2nd Division kan long hapdeng ka Sutnga Mission SSCC pyrshah iaka Musniang SC haka por 2.30 baje nohphai sngi.