Jop ka Padu United bad ka Nongtalang YFC haka Lower Div ka ASSA

Syllad | The Rising MeghalayaNovember 29, 2024

Ka Padu United bad ka Nongtalang YFC kila khur namjop haka Lower Division Football Tournament kaba pyniaid da ka Amlarem Sub Division Sports Association (ASSA) kaba long ha madan Ladjaplem haka 29 tarik Naiwieng.

Haba phai sha ka jingialehkai Lower Division, ka Padu United kala jop da 2-0 iaka Sankhat. Ia kine ki ar kol la thep da Daw Pohthmi (9, 35).

Ka Nongtalang YFC kala pynliem da 2-1 iaka YC Moosakhia. Na kaliang ka Nongtalang la thep da u Amchelang Pohchen (16, 53) bad na ka Moosakhia la thep da u Enowel Khongiong

Ha kawei pat ka jingialehkai ka Shkenpyrsit kala iakhaid bad ka Amtasam. Na kaliang ka Amtasam la thep da u Jenial Rasmut (19) bad na ka Shkenpyrsit la thep da u Firstborn Kyndait (40).

Ka jingialehkai haka kyrdan Upper Division, ka YC Trangblang kala iakhaid pyrshah bad ka Syndai Kmaishnong. Ha kane ka jingialehkai ym don mano mano ba ioh pynkhih jar.