Jop ka Padu bad ka Amjalong EYC haka Upper bad Lower Div ka ASSA

Syllad | The Rising MeghalayaDecember 10, 2024

Ka Padu SCCC kala jop haka Upper Division katba ka Amjalong EYC kala khur jingjop haka Lower Division Football Tournament kaba pyniaid da ka Amlarem Sub Divisional Sports Association (ASSA) kaba long ha madan mini stadium Ladjaplem haka 10 tarik Nohprah.

Ka Padu SCCC kala pynliem da 1-0 iaka Amlanai TC. Ia kane ka shikol ka Padu SCCC la thep da u Bawat Khonglah (41) kaba mih paw haka dur ka penalty.

Haka jingialehkai Lower Division, ka Amjalong EYC kala jop da 3-0 iaka Pamtbuh Iaikyntiew. Ia kine ki kol la thep da u Benedict Lynthong (17, 53) bad Demonmi Lynthong (43).

Artylli kiwei pat ki jingialehkai kila kut da kaba iakhaid khlem don mano mano ba ioh pynkhih jar, kata Syntong Welfare pyrshah iaka SCC Samanong bad ka Mawlong pyrshah iaka FYSSC Amtapoh.