Jop ka Nongtalang Khlachympa haka Upper Div, ka Darrang, Lumpyngngad haka Lowei Div ka ASSA

Syllad | The Rising MeghalayaNovember 22, 2024

Ka Nongtalang Khlachympa, Lumpyngngad CSCC, Nongshiliang SC bad Darang SC kila khur jingjop haka Upper bad Lower Division Football Tournament ba la pyniaid da ka Amlarem Sub Divisional Sports Association (ASSA).

Ia kane ka jingialehkai la pynlong ha madan mini stadium Ladjaplem, Amlarem haka 22 tarik Naiwieng.

Haka Upper Division ka ka Nongtalang Khlachympa la pynliem iaka YSWC Thangbuli da 1-0 bad ia kane ka kol la thep da u Balamphrang Kurkalang 35.

Haka Lower Division, ka Lumpyngngad CSCC kala jop da 2-0 iaka Amsarim SC. Ia kine ki kol jong ka Lumpyngngad la thep da u Journey Rymbai 15 bad Welcome Syrti 19.

Haka jingialehkai kaba bud, ka Nongshilliang SC kala pynliem da 1-0 iaka ACP Padu. Ia kane ka kol la thep da u Dekyrmen Swer 39.

Ka Darang SC kala jop da 2-1 iaka Amjajer Rako SC. Ka Amjajer Rako SC kala ioh ban pynkhih jar nyngkong haka minit kaba 32 ba la thep da u Cibilson Langshiang katba ka Darrang SC kala pyntam da ar kol ba la thep da u Owen Ryngksai 35 bad Stephenson Ryngksai 54.